Analisti Skënder Minxhozi tha ndër të tjera në studion e ABC News se një përballje Rama-Berisha do të ishte komode për kryeministrin. Sipas tij, në kushtet në të cilat ndodhet Berisha, me një PD të përçarë dhe me braktisjen e aleatëve, rrezikon që të dalë me një rezultat të keq në zgjedhje.
“Një përballje Rama-Berisha do të ishte komode për Ramën në kushtet që ndodhet Berisha sot, sepse Berisha, sepse pritej të krijonte një parti më agresive por më të vogël. Kur partia radikalizohet atëherë e ndjekin më pak njerëz nëse do të shkonte drejt qendrës dhe do të hapej.
Berisha nuk mundi ta hapë PD, të pajtojë fraksionet në PD sepse kontestimi nuk shkonte ndaj Berishës por ndaj emrit të tij. Nuk e duan në atë zyrë sepse thonë se ke një problem të madh me amerikanët. Kështu që Berisha do të ishte një kandidat komod, është në fundin e karrierës, konsumin e ka të lartë.”, tha Minxhozi.
Ai komentoi gjithashtu edhe braktisjen e Berishës nga ana e aleatëve të tij opozitarë.
“Partitë e vogla, që janë jetike për ekosistemin e PD, edhe ky front po pëson plasaritje. Fut këtu edhe kontestimin e krahut të Bashës, del që rezultati kombëtar pritet të dalë shumë i keq. Do të ishte komode për Ramën të godiste dikë si Berisha, i cili do të ishte një shënjestër të kollajtë sesa të godiste një që nuk ka rekorde.“, tha Minxhozi./m.j
