Komiteti Teknik i Ekspertëve për luftën kundër COVID ka dalë në një deklaratë për mediat.
Gjatë konferencës së Komitetit Teknik të Ekspertëve të Ministrisë së Shëndetësisë, Fico u shpreh se raporti i vdekjeve nga COVID të personave të prekur është rritur me 2.1%.
Ajo tha se nga të dhënat e deritanishme rezulton se 48% e vdekjeve janë të gjinisë mashkullore, ndërkohë që 52% janë femra.
Grupmoshat më të prekura nga COVID-19 sipas ISHP janë 65 deri në 74 vjeç, dhe 55 vjeç deri në 64 vjeç!
“Kemi vlerësuar dhe po monitorojmë me vëmendje situatën e COVID 19 dhe ecurinë e epidemisë në vend. Ashtu siç kemi bere me dije çdo dite ne raportimin ditor, situata paraqitet ne një nivel risku te shtuar per arsye te rritjes se rasteve pozitivë ditore shprehur qarte me nje rritje te incidences 14 ditore:
Incidenca dy javore rezulton e rritur me 301 persona për 100 mijë banorë.
Mesatarja ditore e rasteve pozitivë 704 për javën që lamë pas.
Raporti i vdekjeve me raste pozitivë është 2.1% gjatë kësaj jave.
Meshkuj 48%
Femra 52%
Moshat më të prekura 65-74
Ndjekur nga 55-64
Testimet 5.8 në 1000 /javë (rekomandimi obsh 1/1000 javë)”, tha Albana Fico.
Zv. ministrja e Shëndetësisë, Mira Rakacolli, deklaroi se mësimi online do të vijojë edhe për një periudhë tjetër pa afat.
“Ka në rëndim të lehtë të situatës, por është në kontroll. Mësimi në universitete do të vazhdojë online edhe për një periudhë në varësi të njoftimit që do të bëjmë“, tha zv. ministrja e Shëndetësisë, Mira Rakacolli.
Ndërkohë Rakacolli i bëri thirrje të gjithë qytetarëve që të respektojnë masat kundër përhapjes së Covid.
“Të nderuar qytetarë vetëm nëse do të zbatoni ato masa që ne me shumë forcë i kemi kërkuar vazhdimisht, vetëm në këtë mënyrë do ta ndalojmë epideminë.
Në vendimet që marrim jemi të orientuar nga numrat konkret dhe nga rekomandimet që bën OBSH dhe që bëjnë kolegët tanë në botë.
Prandaj të vazhdojmë të mbajmë maskat, të mos shkojmë në lokale, të mos grumbullohemi më shumë se 10 veta, të eliminojmë ceremonitë, të kufizojmë pjesëmarrjen tonë në aktivitete dhe të respektojmë protokollet e siguresë”, tha Rakacolli.
g.kosovari
