Duket se komisioni i qeverise Haradinaj per Demarkacionin po konkludon.
Kryesuesi i Komisionit Shtetëror kosovar për Shënjimin dhe Mirëmbajtjen e Kufirit Shtetëror, Shpejtim Bulliqi do të prezantojë shpejt para Komisionit për Integrime Evropiane të gjeturat e deritanishme nga terreni rreth demarkimit të kufirit me Malin e Zi.
Bulliqi dhe anëtarët tjerë të këtij komisioni ditë më parë njoftuan kryeministrin Ramush Haradinaj për punën e tyre të deritashme në mbledhjen dhe përpunimin e të dhënave nga burimet e ndryshme, nga terreni si dhe nga takimet e punës të zhvilluara gjatë javës së kaluar në Republikën e Kroacisë dhe të Sllovenisë, me qëllim të sigurimit dhe verifikimit të të dhënave faktografike, konsultimeve dhe shkëmbimeve të përvojave me zyrtarët relevantë të këtyre shteteve, raporton KP. (b.an)
