Komisioni hetimor parlamentar për shkarkimin e presidentit Ilir Meta ka vendosur të miratojë raportin final të hetimit më datën 23 korrik.
Kryetari i këtij komisioni, socialisti Ulsi Manja, bëri të ditur se afati i fundit i këtij komisioni është 31 korriku dhe se raporti i komisionit do të paraqitet më 18 korrik. Kjo hasi dhe kundërshtimin e deputetit tjetër të mazhorancës Bashkim Fino, i cili u shpreh se teksa raporti do të paraqitej më datë 18 korrik, atëherë për çfarë duhej diskutimi ditën e sotme.
Ulsi Manja: Raporti do të jetë gati deri më 18 korrik. Opinion i Venecias është pjesë e dosjes hetimore. Raporti përfundimtar do t’i paraqitet Kuvendit në seancë plenare dhe komisioni pushon së ekzistuari veprimtarinë e tij.
Bashkim Fino: Çfarë kuptimi ka të diskutojmë ne sot dhe raporti të dalë më 18, kur do duhet të diskutojmë sërish pas raportit.
/e.rr
