Gjatë ditës së sotme është mbledhur sërish komisioni hetimor për pajisjen ‘Imsi Catcher’ ku ka dëshmuar drejtori i hetimit të krimit në Policinë e Shtetit, Ardian Çipa. Pas dëshmisë së ministrit Saimir Tahiri dhe kreut të policisë Haki Cako ditën e djeshme, edhe Cipa u shpreh sot se të gjitha deklarimet mbi këtë çështje i ka bërë në Prokurori.
DEBATET NE KOMISION:
Noka: Zoti zv/drejtori i Policisë, përbën krim futja e një pajisje përgjimi nga Policia?
Çipa: Më lejoni të sqaroj pozicionin tim se nuk jam zv/drejtor i Policisë së Shtetit
Noka: Ok për pozicionin se në kohën time i kemi pasur ndryshe.
Çipa: Prokuroria ka hetuar mbi këtë çështje dhe gjithçka e kam deklaruar aty.
Noka: Nuk ju pyeta nëse ka hapur prokuroria çështje penale. Jeni në dijeni që futja në Shqiperi në mënyrë të paligjshme përbën krim dhe dënohet. Kjo nuk ka lidhje me hetimin.
Çipa: Prokuroria është marrë me këtë cështje.
Noka: Unë nuk po ju them në përgjithësi nëse jeni informuar si titullar që futja e çdo lloj pajisje përgjimi në mënyrë të paligjshme pa lejen e Prokurorit të Përgjithshëm përbën vepër penale dhe dënohet nga ligjet e vendit tonë? Ju në cilësinë e titullarit të policisë duhet të jeni në dijeni, a jeni në dijeni?
Çipa: Zoti Kryetar unë i njoh detyrat e mia funksionale por sa i përket rrethanave i kam deklaruar në rrethin e Prokurorisë Tiranë dhe …
Çipa: Prokuroria ka regjistruar një procedim dhe ajo duhet të vërtetojë nëse ka pasur një pajisje të paligjshme. Noka: Prokuroria do hetojë ngjarjen dhe jo ligjin. Tani pa firmën e Prokurorit është futur një pajisje e paligjshme në territorin e Shqipërisë? A jeni në dijeni apo jo?
Çipa: Unë jam thirrur në prokurori dhe jam shprehur
/BW
