Komisioni për shënjimin e vijës kufitare ndërmjet Kosovës dhe Malit të Zi, përmes një deklarate për media ka sqaruar se e posedojnë dhe mund ta kenë të tërë dokumentacionin ligjor për demarkacionin me Malin e Zi, dhe kanë kërkuar të formohet grup ekspertesh ndërkombëtar për ta vlerësuar këtë aktivitet, sipas tyre, për shkak të fushatave politike të ndërtuara mbi këtë çështje.
Sipas kësaj deklarate, komisioni ka vepruar në bazë të parimeve botërisht të pranuara (Legalitetit, Regjistrimit dhe Uti posedditis) dhe i mbështetur në Kushtetutën e Republikës se Kosovës, Deklaratës për shpallje të Pavarësisë, propozimit gjithëpërfshirës të Ahtisaarit, Marrëveshjes së Kumanovës të 10 Qershor 1999, Komisionit Badinter për ish RSF të Jugosllavisë 1991/93 dhe Kushtetutës të RSFJ 1974. Gjithashtu, janë marrë për bazë; Kërkesat e Rezolutës së Parlamentit të Kosovës të Qershorit 2015 dhe Konkluzionet e Asamblesë Komunale të Pejës në Mars 2015, transmeton KosovaPress.
