Komisioni i Posaçëm Hetimor për CEZ, që heton zgjidhjen e marrëveshjes së CEZ me shtetin shqiptar, nisi sot mbledhjen me debate mes kryetarit të KPH, Edmond Spaho dhe Avokates së Përgjithshme të Shtetit, Alma Hicka.
Pas debatit, Hicka në fjalë e saj, tha se: “ju po shkelni procedurën ligjore duke u sjellë si arrogant me dëshmitarët dhe kjo është në kundërshtim me procedurën ligjore, kushtetutën dhe vetë ligjin.
Në ndërhyrjen e saj, antarja e KPH, Jorida Tabaku tha se, “po paraqesim fakte” dhe se, “në komision nuk ka nevojë për te zhurmuar, pasi duhet të respektojmë kushtetutën dhe ligjin”.
Avokatja e Shtetit, Hicka këmbënguli të mos përgjigjej pa ndryshuar sjelljen kryetari i Komisionit të Posaçëm Hetimor për CEZ, Edmond Spaho, i cili kërkoi ndërprerjen e komisionit për ta rinisur pas një pushimi të shkurtër./b.d
