Toni Gogu, deputet i PS, zëvendës kryetar i Komisionit Hetimor Parlamentar për zgjedhjet e 25 prillit 2021 ka shprehur shqetësimin për akuzat e opozitës.
Toni Gogu: Lumë akuzash ka qenë. Nga ana jonë një sëri faktesh. Edhe sot kam informuar mediat që deputetët e mazhorancës i kanë dhënë pakicës të drejtën për të hetuar. Fakt është që ne kemi shkuar për të filluar punës bashke me ta, por që në takimin e parë, unë këtu kam rendin e ditës.
Në momentin që duhet të shkonim në pikën 7 të rendit të ditës, mbledhja u mbyll në mënyrë të çuditshme. Nuk na komunikuan mbledhjen e ardhshme dhe ne nuk kishim datë. Jemi njoftuar më pak se 24 orë për mbledhjen e radhës që sugjeronte kryetari. Kuptohet që data duhet të bisedohet me ne. Unë me kryetarin flasim në Whatsapp. Ne propozojmë ditën e enjte i thashë. Ligji për Komisionet Hetimore ka një parim të qartë, kryetari dhe zv/kryetari dakordësojnë vendimet.
Çfarë ndodhi ishte që ata jo vetëm shkuan kur kryetari kishte caktuar, jo vetëm na akuzuan që ne nuk jemi aty. Ata nxitojnë të akuzojnë. Hetimi nuk ka nisur ende. Ata na thonë ju keni vjedhur. Shkojmë në mbledhje, kryetari na mohon të drejtën për të miratuar rendin e ditës. Një nga anëtarët na thotë gangster”.
/a.r
