Projektligji i shumë debatuar i pronave është miratuar në komisionin parlamentar të ligjeve pa kuorumin e nevojshëm. Drafti, i miratuar nen për nen dhe në tërësi për tu miratuar kërkonte të paktën 11 vota, në kushtet kur në këtë komision janë 20 deputetë anëtarë. Pra rregulli i kuorumit është numri i gjysmës së anëtarëve të komisionit plus një.
Gjatë votimit munguan deputetët e mazhorancës si Pandeli Majko, Spartak Braho apo Petrit Vasili, i cili ndodhej në komisionin e shëndetësisë.
Deputetët e opozitës e braktisë këtë mbledhje gjatë diskutimeve në këtë projekligj duke deklaruar mosdakortësinë e tyre. Më herët, në mbledhje të shkuara, deputetët e opozitës e kanë cilësurar draftin e qeverisë për pronat si përpjekjen përfundimtare për të mos kompensuar pronarët.
E premtja ka qenë një ditë mjaft e ngjeshur në kryesinë e kuvendit, pasi në komisione po diskutohet projektbuxheti për vitin 2016.
