Momentalisht është duke u mbajtur Komisioni i Veprimtarisë prodhuese, ku po diskutohet tema për tarifat telefonike. Kryetari i Veprimtarisë Prodhuese, Eduard Shalsi gjatë mbledhjes deklaroi se do të heqë tarifat roaming me Kosovën.
Po ashtu Shalsi tha se Parlamenti kosovar e ka gati draftin dhe pritet që të firmoset nga pala shqiptare. Por nuk munguan as debatet me tone të ulëta mes Shalsit e deputetit të PD-së, Florion Mima, ku ky i fundit u shpreh se:
“Ju thamë se me këtë qeverisje nuk do t’ia dilnit të bindnit qeveritë evropiane për negociatat. Na tallët deri në sarkazmë, por koha na dha të drejtë fatkeqësisht fjalët e Bashës për Toyota dhe para të fsheshura dolën të vërteta.. Paratë e drogës po pastrohen me ndërtime. Bumi 300 % i lejeve të ndërtimit është veç shplarje e parave të drogës”, tha Florion Mima, deputet i PD. Por më pas pozita iku duke e konsideruar mbledhjen të mbyllur.
ma.me
