Komisioni për Sigurinë Kombëtare miratoi të hënën projektligjin për miratimin e Planit Afatgjatë të Forcave të Armatosura për periudhën 2016-2025.
Ky plan përcakton rrugën që duhet të ndjekin Forcat e Armatosura Shqiptare në kuadër edhe të aleancës në NATO. Ky dokument përcakton qartazi udhën që duhet të ndjekin Forcat e Armatosura në kuadër të rreziqeve rajonale, por dhe atyre të cilat vinë si rrjedhojë e aleancës së vendit tonë në NATO. Gjithashtu, përcakton përdorimin e burimeve, mekanizmat zhvillimore për rritjen e sigurisë Kombëtare, si dhe logjistikën e buxhetin me të cilin duhet operuar.
Këto i bëri të ditura Ministrja e Mbrojtjes, Mimi Kodheli, e cila ishte e pranishme në punimet e Komisionit për Sigurinë Kombëtare, së bashku me shefin e Shtabit të Përgjithshëm gjeneralmajor Jeronim Bazo.
Ministrja njoftoi fillimisht lajmin e ngritjes në detyrë të Gjeneral Cahanit, i cili, me dekret të Presidentit të Republikës, do të ketë detyrën e Komandantit të Forcave Tokësore. Më tej, Ministrja sqaroi pikat kryesore ku bazohet plani gati 10-vjeçar i paraqitur në kuvendin e Shqipërisë nga MM.
ATSH
