Përfaqësuesja e opozites Majlinda Bregu shprehet e rezervuar për drejtësinë në vend ndaj të miturve, pasi sipas deputetes drejtësia anon nga padrejtësia .
“Në rast se ka një Këshill të Lartë Drejtësie qe kontrollon gjyqtaret, nuk ka një këshill që kontrollon socioligët që punojnë me ta”, nënvizoi Bregu.
Deputetja pyeti ekspertët duke ju referuar mbajtjes në policinë e Pogradecit se kush duhet të mbajë përgjegjësi në raste të tilla” . Sipas Bregut, këto pika duhet të përfshihen në dokumentin strategjik të reformës në drejtësi . Pasi përmendi zvarritjet gjyqësore për paditë e pensionit ushqimor, Bregu u shpreh se kjo situatë nuk mund të tolerohet më.
“Ju flisni për drejtësi miqësore për fëmijët.” e mbylli fjalën deputetja, “por keto ambjente mungojnë”
Komisioni i reformës: Duhet një gjykatë e posaçme për të miturit
Kur statistikat tregojnë një trend në rritje të kriminalitetit tek të miturit, në komisionin e posacëm për reformën në drejtesi propozohet te shikohet në perspektivë ngritja e një gjykate për ta. Aktualisht në vendin tonë funksionojnë 6 seksione për të miturit dhe ekspertët e nivelit të lartë konstatojnë problematikë në legjislacion.
Mes problemeve radhitet edhe mos zbatimi i ligjit, kur një fëmijë është dëshmitar në krim. Për ekspertët, përpos legjislacionit duhet të egzistojë edhe një trupë e specializuar avokatësh për të përfaqësuar t’i përfaqësuar.
Përfaqësuesja e UNICEF deklaroi se në vijim të reformës duhet të shikohet edhe mundësia e krijimit të nje kodi të posacëm për fëmijët. Në tryezën e komisionit të posacëm janë të pranishëm edhe përfaqësues të opozitës. Deri me tani nën shërbim prove, me vendim gjykate, janë trajtuar mbi 1800 të mitur, që nga viti 2009.
