Komisioni i ligjeve rrëzoi sot një tjetër dekret të Presidentit Ilir Meta. Bëhet fjalë për dekretin për Kodin Penal
Mes debatesh të mëdha Komisioni i Ligjeve ka rrëzuar ditën e sotme dekretin e presidentit Meta për Kodin Penal. Ky dekret i Metës është rrëzuar me 8 vota pro dhe 2 kundër.
Diskutime në Komisionin e Ligjeve për kthimin ligjit për ndryshimin e Kodi të Penal kanë qenë mes deputetëve dhe Bledar Dervishajt, këshilltarit ligjor të presidentit.
Po ashtu Dervishaj është përplasur edhe me ministren e Drejtësisë, Etilda Gjonaj, ku kjo e fundit argumentuar se përse janë propozuar ndryshime por dekreti i Metës nuk kishte sens.
“Ndryshimet që janë propozuar në Kodin Penal kanë pasur si qëllim luftën pa kompromis ndaj kriminalitetit. Duke pasur në konsideratë që ka pasur mungesë të instrumenteve për të luftuar forma të reja të krimit, janë sjellë këto ndryshime. Ky projektligj ka një rëndësi të veçantë. Ashpërsimi i veprës penale nuk është e vetmja rrugë, por nga nevoja e mbrojtjes së të drejtave të qytetarëve, u sollën këto ndryshime”, tha Gjonaj.
I pyetur nga deputeti Spartak Braho, Dervishaj ka deklaruar se nga janari i këtij viti deri më tani, presidenti Ilir Mtea ka kthyer për shqyrtim 19 dekrete, nga ku është dërguar në Kushtetuese vetëm ligji për Teatrin.
Dervishaj: 19 dekrete, janë trajtuar 197 ligje. Janë kthyer për rishqyrtim 19 dekrete. Në Kushtetuese është dërguar vetëm dekreti për ligjin e teatrit dhe po shqyrtohet mundësia për t’i dërguar edhe ligjet e tjera se jemi ende në kohë.
Spaho: Është pak e rëndë kjo punë, pse nuk i drejtoheni gjykatës kushtetuese
Dervishaj: Po të kishim gjykatë Kushtetuese funksionale do kishim dërguar të gjitha ligjet
Braho: Vendim ti s’duhet ta thoje këtë. Ka qenë, s’është, po do jetë
Dervishaj: Kur të jetë atëherë po. /l.m
