Në Komisionin e Ligjeve është debatuar për çështjen e CEZ-it, dhe deputeti demokrat Eduard Halimi tha se kryeministri Rama dhe deputetët e PS-së nuk duan hetim ndërkombëtar të çështjes.
“Nuk ka surprizë në relacionin e përgatitur nga PS për hetimin e CEZ. Edi Rama është kundër hetimit ndërkombëtar të “CEZ”. Deputetët e PS-së nuk duan hetimin ndërkombëtar të “CEZ”. Ne depozituam kërkesën dhe nga ai moment për 8 javë nuk është bërë asnjë veprim. Ky ligj kalon vetëm nëse jep pëlqimin PS dhe argumenti për votimin me shumicë të thjeshtë apo cilësuar është fals. Pr/ligji është i ngjashëm me ligjin e miratuar në 2012 për akuzat e Dick Martit. Prokurori i huaj do vijë që të veprojë duke zbatuar pikë për pikë kodin e procedurës penale. Kam letrën që dërgon opdat, i cili mbështet qëndrimin që kemi ne lidhur me hetimin. SHBA marrin përsipër të mbështesin çdo kërkesë të ligjshme dhe kërkesa e ligjshme do jetë në rast se miratohet ligji. Për t’i qëndruar edhe retorikës dhe premtimit publik që u bë nga kreu i kuvendit, kryeministri dhe kreu i opozitës duhet të miratojmë ligjin. Rrëzimi i ligjit ne parim konfirmon se Edi Rama dhe deputetët e PS nuk e duan hetimin”, tha Halimi.
Ndërsa deputeti socialist Ulsi Manja tha se Pr/ligji i PD kërkon të bllokojë hetimin e çështjes dhe të çojë në kolaps financat e vendit, pasi kërkohet anulimi i marrëveshjes me CEZ.
“Pr/ligji i PD cenon tre parime kushtetuese. Herën e kaluar pyeta PD nëse kërkoni hetim ndërkombëtar më të huaj apo asistencë nga të huajt. Hetimi nga të huaj është i përcaktuar. Në këtë vend ka dy çështje të mbetura pezull. Kemi 26 të vrarë në Gërdec, qindra të plagosur dhe rasti i 21 janarit që nga ana e mazhorancës sot dje në opozitë kemi kërkuar ekspertizë të huaj për ta hetuar dhe ju s’keni pranuar pas vrasësit me uniformë fshiheshin në kryeministri. Instrumentet janë për të hetuar dhe s’ka nevojë për ligj të tillë për të futur në ngërç çështjen. Të hetohen të gjitha çështjet e mbetura pezull dhe instrumentet ligjore i kemi. Përgjigjja e opdat është mirë të lexohet deri në fund. Shprehet për ekspertizë sipas konventës. Është në kuadër të ndihmës së ndërsjellë”, tha Manja.
BW
