Në mbledhjen e djeshme të grupit parlamentar socialist, Gramoz Ruçi i ka njohur socialistët me dy anëtarët e PS qe të jenë Vasilika Hysi dhe Ulsi Manja, ndërsa një emër i takon LSI dhe ai do te jete Luan Rama. PDIU kishte propozuar emrin e Shpëtim Idrizit për ta përfaqësuar në këtë komision, por deri ne keto momente ai ka mbetur jashtë.
Ndërkohë që opozita ashtu sikur ka deklaruar edhe më parë nuk do të marrë pjesë në seancë, pasi e kushtëzon votën për Vettingun me krijimin e qeverisë teknike. Të premten, Operacioni Ndërkombëtar i Monitorimit(ONM) beri te ditur përfundimin e vlerësimit te kandidaturave për institucionet që do të kryejnë procesin e rivlerësimit të gjyqtarëve dhe prokurorëve shqiptarë. Nga 84 kandidaturat e përzgjedhura nga Avokati i Popullit që përmbushnin kriteret formale, ONM dha vlerësim pozitiv për 67 prej tyre.
