Bujar Nishani thotë se Lulzim Basha dhe Edi Rama kanë dhunuar selinë e Partisë Demokratike.
Ai shprehet se nuk do të dorëzohen dhe se do tentojnë sërish.
“Edi Rama dhe Drejtori i Policisë së Shtetit kanë kryer një krim të rëndë kushtetues dhe penal sot.
Dhunimi barbar i Selisë së Partisë Demokratike dhe mijra anëtarëve të saj, mbledhur në selinë e tyre është dhuna ekstreme mbi liritë dhe të drejtat themelore politike të qytetarëve shqiptarë.
Tutori i Lulzim Bashës përdori të gjithë furinë dhe egërsinë e forcës së shtetit për t’ju imponuar shqiptarëve kryetarin e opozitës.
Kjo nuk do të pranohet kurrë.
Pluralizmin nuk e dorëzojmë.
Tutori i krimit të organizuar dhe shtetit mafioz në Shqipëri nuk do të mund të bëhet dot edhe tutori i opozitës shqiptare.
Liria nuk ka çmim 🇦🇱“, shkruan Nishani.
