Nga Eno Çollaku/
Nëse dikush kërkon një definicion gjithëpërfshirës të termit “komedi”, atëherë mund të thuhet se komedia në radhë të parë vjen nga fjalët greke “komos” (grup njerëzish në ekstazë festive) dhe “oda” (këngë) dhe në qendër të këtij zhanri është prodhimi i emocioneve festive.
Nëse dikush përpiqet që të lidh deklaratat e fundit të Presidentit Nishani rreth pushimeve verore, atëherë, ky President mund të këtë qenë pse jo një protagonist në një skenë humoristike pasi në një ditë të nxehtë verore ai vendos të freskoj qytetaret e republikës me anekdotat rreth bllokimit nga qeveria të pushime të tij në rezidencat shtetërore. Madje duket se Presidenti ynë “apolitik”, mund të filloj pas mbarimit të mandatit të tij një karrierë të suksesshëm në “stand-up comedy” duke i dhëne një nocion të rij qasjes klasike të komedisë nga Aristofani dhe deri tek Chaplin-i.
Për sa i përket terminologjisë së tragjedisë, sipas Aristotelit ajo përfshin rrënjën e një njeriu përgjithësisht të mirë për shkak të disa rrethanave nga te cilat në fund prodhohet për protagonistin keqardhje nga ana e publikut. Edhe në këtë rast, Presidenti ynë mund të zëntë shumë mirë një vend protagonisti në tragjeditë e Eskilit dhe shumë e shumë të tjerëve, pasi me (pa) vetëdije, vendos të degradoj postin e vet dhe figurën e vet me një temë plotësisht jo relevante me shqetësimet reale të publikut, i cili ndjen keqardhje për këtë katandisje.
Në fund, nëse dikush vendos të eksplorojë nocionin e papërgjegjshmërisë në aspektin psikik-mendor, atëherë mund të thuhet së kemi të bëjmë me një person i cili nuk mund të arsyetoj dhe kontrolloj çfarë thotë ose bën për shkak të gjendjes së tij. Madje në raste që njerëz të papërgjegjshëm janë konstatuar si të tillë nga gjykata në raste krimesh, ata, ose janë akomoduar në institute relevante ose janë liruar. Nëse fusim në këtë kornizë deklaratat e Presidentit tonë kundër qeverisë, edhe një herë shohim një përputhje me simptomat e papërgjegjshmërisë institucionale dhe njerëzore pasi bie edhe një herë ndesh me realitetin përreth.
Duket se Presidenti ynë, ka një dhunti natyrore për të qenë protagonist në zhanre të ndryshme të shfaqjeve ndërsa nga ana politike është i vendosur të mbetet apolitik, jo për sa i përket qëndrimeve të tija, por, trashëgimisë së tij personale. Kjo, pasi ky President me interesin e veçantë mbi pushimet verore, nuk përputhet me profilin e një udhëheqjeje transformuese apo transaksionale, apo çdo lloj tjetër, por, preferon të mbahet mend si një President që luftoj fuqishëm, për të drejtat e tij të pushimeve luksoze!
