Një automjet në rrugën e Qelqit pranë Kombinatit, ka shpërthyer në ecje, ndërsa drejtuesi i mjetit, një 34 vjeçar ka mbetur i plagosur.
Fillimisht u raportua për shpërthim në impiantit e gazit të mjetit, por ekspertiza tregoi se kemi të bëjmë me shpërthimin e një sasie lënde plasëse që ishte vendosur poshtë mjetit, në anën e shoferit.
Nga shpërthimi ka mbetur i plagosur rëndë drejtuesi, shtetasi Elton Imeri, 34 vjeç, i cili mësohet të jetë ushtarak me profesion. Mjeti në të cilin udhëtonte shtetasi ishte një Wolkswagen i tipit golf 4.
Agjentë të antikrimit dhe të policisë shkencore kanë nisur hetimet për zbardhjen e incidentit. Dyshohet se atentati i sotëm ka lidhje me të shkuarën e Imerit, pasi pak kohë më parë edhe vëllait të tij i është bërë atentat me tritol.
