Alban Bushi nuk u fsheh kartat, një sukses i mundshëm me Islandën do të ndryshonte skenarin e skuadrës kombëtare të 21 vjeçarëve në grupin eliminator.
Numri një i pankinës kuqezi prezantoi listën me 23 lojtarët e grumbuluar për këtë ndeshje duke theksuar se afrimi i Ndojit me Kombëtaren e parë është një lajm i mirë pasi kjo tregon edhe rritjen e skuadrës së tij gjatë muajve të fundit.
“Ka edhe shumë lojtarët të tjerë që mund të aktivizohen por për këtë vendos Panucci”.
Në vijim, Bushi u përqëndrua pikërisht te Isanda, duke kërkuar të mbajë me këmbë në tokë lojtarët kuqezi, pavarësisht atij suksesi 3-2 në Rejkjavik, shkruan Supersport.
“Nuk ka ekipe më të dobëta apo më të forta. Iskanda ka më shumë cilësi se ne dhe duhet të luajmë me zemër për të arritur te fitorja”.
Në listën e Bushit figurojnë shumë lojtarë nga kampionati shqiptar dhe për Bushin kjo është shenjë se futboli në vendin tonë është rritur me ritme shumë të shpejta.
Filliisht, në datën 5 tetor, Kombëtarja shpresa do të luajë një sfidë miqësore me Tiranën dhe 5 ditë më vonë do të sfidojë në “Elbasan Arena” Kombëtaren e Islandës për ndeshjen e katërt eliminatore të grupit 2 ku bën pjesë edhe Spanja, Slovakia, Estonia, Irlanda e Veriut dhe Islanda./a.m.
