Trajneri i Shqipërisë, Sylvinho, ka publikuar listën e lojtarëve të grumbulluar për dy ndeshjet e fundit të Grupit E, ato ndaj Moldavisë (17 nëntor në transfertë) dhe Ishujve Faroe (20 nëntor në Tiranë).
Braziliani ka bërë fare pak ndryshime në krahasim me ndeshjet e fundit, teksa e vetmja risi është rikthimi në kombëtare i Arbnor Muçollit, mesfushorit që aktivizohet me Goteborgun suedez.
Sërish është lënë jashtë grumbullimit Armando Broja, i cili nuk po grumbullohet as nga Chelsea, për shkak dëmtimi.
Shqipëria është shumë pranë kualifikimit për herë të dytë në një Europian, teksa i mjafton vetëm një pikë në dy ndeshjet e fundit për të prerë biletën për në Gjermani.
/a.r
