Kolumbia ka arritur një fitore mjaft të rëndësishme për fatet e saj në Grupin H.
Amerikano-latinët mposhtën me rezultatin e thellë 3-0 Poloninë, duke i dhënë goditjen e “knock-out” kombëtares evropiane që pas këtij 90 minutëshi e shikojnë veten jashtë Kupës së Botës, Rusi 2018.
Dominimi i të besuarve të Pekerman ishte i pranishëm që në sekondat e para të takimit, me Falcao e Rodriguez që dhanë shkëndijat e para që ishin futur në fushë vetëm për fitore.
Për kolumbianët shënuan Mina, Falcao dhe Cuadrado, në një ndeshje të dominuar prej tyre.
Ndërkohë Lewandowski me shokë humbën edhe ndeshjen e parë ndaj Senegalit, duke mos pasur asnjë shans tashmë për kalimin e grupit.
l.h/ dita
