• #960158 (no title)
  • Different-Banners-Test
  • Home 1
  • Home 2
  • Home 3
  • home test
  • Kontakt
  • Kreu
  • Rreth Nesh
Thursday, January 21, 2021
  • Login
Javanews
  • Kreu
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
    • Exlibris
    • Intervistë
    • Kuzhinë
    • Në plan të parë
    • Rajon
No Result
View All Result
Javanews
Home Editorial

Koleksionisti i vijave të kuqe

Skënder Minxhozi by Skënder Minxhozi
15/05/2020 10:19
Na duhen kriminelët e vërtetë, jo ata që i duhen politikanëve hipokritë
Shperndaj ne FacebookShperndaj ne Twitter

Nga Skënder Minxhozi/

 

Një vijë e kuqe, pastaj dy, më në fund tre e me rradhë. Derisa në fund, vetë vijave, por edhe atij që i ka vizatuar, ju bie vlera. Mos prek këtu se do bëhet nami, mos kalo këtej se shpërthen lufta, do ketë përplasje fizike, sy për sy e dhëmb për dhëmb! Ky ka qenë kodi parapolitik i përjetshëm i politikës shqiptare: të kërcënosh për të mundur frikën tënde. Si ai fëmija që ecën vetëm natën në pyll dhe këndon me zë të lartë, për t’i dhënë zemër vetes.

Në orët kur sytë e shqiptarëve po spostohen nga pandemia, drejt një lajmi të vjetër sa bota, shembjes së teatrit kombëtar, Lulzim Basha ka hequr një vijë tjetër të kuqe në rërë. “Partia Demokratike ka qenë pranë artistëve, i bej thirrje qytetarëve që t’u qëndrojë pranë, po mbrojnë vijën e fundit pas së cilës vjen diktatura. Do kaloj orë të tëra këtu dhe do jem pranë tyre”… “Jam këtu për të treguar solidaritetin tim personal dhe të gjithë opozitës dhe për tu kërkuar të gjithë qytetarëve të jemi solidarë për të mbrojtur një vijë të kuqe të demokracisë. Qytetarët kanë të drejtë të mbrohen me të gjitha mjetet. Kur shteti bie në dorë të banditëve dhe shkel ligjin dhe Kushtetutën siç po shkelet ligji dhe Kushtetuta këtu qytetarët mund të zgjedhin tu përgjigjen me çdo mjet”, ka deklaruar Basha në prani të disa artistëve që i vajtën në zyrë.

Në endjen absurde që ka krijuar karantina për jetët e njerëzve e familjeve, vija më e fundit e kuqe është si një zgjim i shëmtuar. Në njërën anë habia përzier me maraz, sesi një vend që i ka rënë mbi krye një tërmet shkatërrimtar dhe një epidemi e paprecedent, ka kohë të sherroset për ndërtime teatrosh me para publike. Në anën tjetër, kërcënimet patetike të një pale që kërcënimin, e më pas tërheqjen, e ka kthyer në shkollë të vërtetë taktike.

Në fillim, e kujtoni, ishte vija e kuqe e Çadrës. Nuk dalim gjallë që këtu, s’ka zgjedhje, s’ka qeveri. Madje as makinat në bulevard nuk i lemë të kalojnë, do shtrihemi këtu në mes të rrugës. Hynë në qeveri, hynë edhe në zgjedhje dhe rezultatin e dimë tashmë. Më pas erdhi vija tjetër e kuqe, Astiri me unazën e tij të shumëdebatuar. Një kokëçarje e hatashme për qytetin, mijëra orë bllokadë makinash e acarim nervash në portën më të madhe dalëse të Tiranës. Fundi? Edhe asaj vije të kuqe s’i mbeti as nami, as nishani.

Dalja nga Kuvendi? Një vijë e kuqe e hequr me bojë të trashë në muret e kryeministrisë gjatë katër muajve protesta të dhunshme, ku në secilën prej tyre pritej rënia e qeverisë. “Punë orësh, e ka thënë Basha”! Edhe kjo vijë e kuqe përfundoi si të tjerat, madje më keq se të tjerat. Sepse shënoi daljen e opozitës kolektivisht nga institucionet e shtetit, në një akt të përbashkët marrëzie politike, që demokratët vazhdojnë ta paguajnë edhe sot, duke kërkuar medoemos një formulë që t’i sjellë në pushtet. Si fjala vjen, një qeveri teknike parazgjedhore, një eksperiment maqedonas që s’e gjen askund tjetër.

Lulzim Basha është një koleksionues vijash të kuqe, por jo domosdoshmërisht edhe një koleksionist fitoresh politike. Paradigma e mësipërme përcakton vetë thelbin e tij si lider partie dhe figurë publike. Një kundërshtar që ka në xhep fishekë manovre, jo municion fitoreje. Një oponent i padëmshëm që i ka krijuar Edi Ramës perandorinë politike më të madhe të imagjinueshme, aq sa i vetmi armik i mbetur në fushë kundër kryeministrit të sotëm, të jetë vetja e tij: Edi Rama! Pasi sfidanti i tij i vetëm për pushtetin e nesërm, është i zënë duke vizatuar vija të kuqe në mëngjes, e duke i fshirë më pas në darkë.

Next Post
Nga kufiri, drejt Tiranës në hotele për ti kaluar në Mal të Zi/ Arrestohen katër persona në Tiranë, mes tyre edhe të huaj

Nga kufiri, drejt Tiranës në hotele për ti kaluar në Mal të Zi/ Arrestohen katër persona në Tiranë, mes tyre edhe të huaj

Comments 5

  1. Baca says:
    8 months ago

    Analize sic Minxhozi di ta beje.

    Reply
  2. prushi says:
    8 months ago

    Dil se te vrava, ik se te vrava!?
    Nje idiot noterik , nje donkishot i koheve moderne.

    Reply
  3. Coli says:
    8 months ago

    Minxhoz
    Je fantastik

    Reply
  4. Tatiana says:
    8 months ago

    Nuk i heq asnje presje shkrimit tend i nderuar Minxhozi

    Reply
  5. Hamdi says:
    8 months ago

    Mjafton që Basha i njeh vijat e kuqe, se për shkeljen e tyre përgjigjen të tjerë.

    Reply

Leave a Reply Cancel reply

Your email address will not be published.

e-albania e-albania e-albania

LAJMET E FUNDIT

I shtruar prej disa ditësh në spital/ Humb jetën nga COVID piktori Mustafa Arapi

I shtruar prej disa ditësh në spital/ Humb jetën nga COVID piktori Mustafa Arapi

January 21, 2021
SHBA i hap luftë Pekinit/ Pompeo: Koalicion botëror kundër Kinës

Pasi Biden mori detyrën si President, Kina vendos sanksione ndaj ish-zyrtarëve të administratës Trump/ Mes tyre edhe Pompeo

January 21, 2021
Biden përmbush premtimet elektorale/ Shfuqizon disa nga politikat e ish-Presidentit Trump

Biden përmbush premtimet elektorale/ Shfuqizon disa nga politikat e ish-Presidentit Trump

January 21, 2021
S’ka reshje shiu, por ulje temperaturash/ Parashikimi i motit për sot

Vranësira dhe reshje shiu do të dominojnë gjatë paradites/ Moti për sot

January 21, 2021
Parlamenti miraton projekt-ligjin, Greqia zgjerohet me 12 milje në detin Jon

Parlamenti miraton projekt-ligjin, Greqia zgjerohet me 12 milje në detin Jon

January 20, 2021
E frikshme në Librazhd/ Shtylla e tensionit të ulët përfshihet nga flakët, rrezik për banorët (VIDEO)

E frikshme në Librazhd/ Shtylla e tensionit të ulët përfshihet nga flakët, rrezik për banorët (VIDEO)

January 20, 2021
“Patriotizmi, streha e fundit e maskarait”, ish-ambasadori shqiptar në SHBA: Trump qeverisi keq, nuk ishte më patriot se të tjerët

“Patriotizmi, streha e fundit e maskarait”, ish-ambasadori shqiptar në SHBA: Trump qeverisi keq, nuk ishte më patriot se të tjerët

January 20, 2021
E ndaluan për COVID-19, shqiptarit i gjejnë 5 kg kokainë, si e “çmontuan” me një pyetje

E ndaluan për COVID-19, shqiptarit i gjejnë 5 kg kokainë, si e “çmontuan” me një pyetje

January 20, 2021
Vetëvendosje do garojë në zgjedhjet e 25 prillit në Shqipëri: Nesër prezantojmë kandidatët

Vetëvendosje do garojë në zgjedhjet e 25 prillit në Shqipëri: Nesër prezantojmë kandidatët

January 20, 2021
Angela Merkel mesazh Joe Bidenit: Kapitull i ri në miqësinë dhe bashkëpunimin gjermano-amerikan!

Angela Merkel mesazh Joe Bidenit: Kapitull i ri në miqësinë dhe bashkëpunimin gjermano-amerikan!

January 20, 2021
JavaNews.al

  • Adresa: Rruga “Gjik Kuqali”, Pallati 2, Shkalla 2, Apartamenti 4, Tiranë
  • Email: [email protected]
  • Whatsapp: +355 69 57 123 23
  • #960158 (no title)
  • Different-Banners-Test
  • Home 1
  • Home 2
  • Home 3
  • home test
  • Kontakt
  • Kreu
  • Rreth Nesh

© 2015 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Kreu
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
    • Exlibris
    • Intervistë
    • Kuzhinë
    • Në plan të parë
    • Rajon

© 2015 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Create New Account!

Fill the forms below to register

All fields are required. Log In

Retrieve your password

Please enter your username or email address to reset your password.

Log In