Kolegji Zgjedhor ka rrëzuar sërish koalicionin Bashkë Fitojmë.
Ata kishin kërkuar që emri i Ilir Metës të hiqe nga fleta e votimit dhe të vendosej ai i Sali Berishës, por vendimi i rrëzua. Përfundimisht në fletën e votimit për këshilltarë bashkiakë do të jetë emri i Metës.
“Kolegji vendosi rrëzimin e kërkesë padisë. Shpenzimet gjyqësore sic janë bërë. Ky vendim është i formës së prerë dhe nuk lejohet ankim”, tha trupa gjykuese.
Kolegji Zgjedhor u mblodh për të shqyrtuar ankimin e koalicionit Bashkë Fitojmë, të cilët kërkojnë që të hiqet emri i Ilir Metës nga fleta e votimit dhe të vendoset ai i Sali Berishës. Përfaqësuesi Ligjor, Altin Kaziaj dorëzoi një kërkesë në Kolegj dhe tha se të tre përfaqësuesit e subjekteve politike të koalicionit bashkë fitojmë kërkojnë që emri Sali Berisha të vihet përbri emrit të kandidatit të koalicionit bashkë fitojmë në fletën e votimit.
“Është një shkresë e nënshkruar nga tre kryetarët e subjekteve, duke vënë një dakordësi me caktimin e drejtuesit të koalicionit, në emrin përbri, që është deputeti Sali Berisha.
Të tre përfaqësuesit e subjekteve politike të koalicionit bashkë fitojmë kërkojnë që emri Sali Berisha të vihet përbri emrit të kandidatit të koalicionit bashkë fitojmë në fletën e votimit. Të merret parasysh nga ky kolegj duke e administruar si provë dhe pastaj e bëjmë edhe publike”, tha ai./m.j
