Kolegji Zgjedhor ka rrëzuar pretendimet e Fredi Belerit, duke lënë në fuqi vendimin e Komisionit Qendror të Zgjedhjeve për moskandidimin e tij në Himarë.
Në përfundim të seancës, Beleri tha për mediat se vendimi i sotëm është politik dhe se ai nuk ka asnjë lidhje me masakrën e Peshkëpisë.
“Unë kam prova që nuk kam asnjë lidhje me ngjarjen e Peshkëpisë. Për vendimin e Kolegjit Zgjedhor unë do t’i drejtohem Starsburgut” – tha Fredi Beleri që kërkoi të kandidonte në Bashkinë Himarë.
***
Po zhvillohet seanca për kandidaturën e Fredi Belerit në Bashkinë e Himarës, që KQZ e cilësoi si të pavlefshme. Dy palët kanë paraqitur argumentet mbrojtëse. KQZ kërkon lënien në fuqi të vendimit që e pengon kandidimin e Belerit në Himarë, e ndërsa avokati mbrojtës e ka kundërshtuar duket thënë se KQZ ka keqinterpretuar ligjin.
KQZ: Nuk e ka kompetencat Kolegji Zgjedhor ta shqyrtojë këtë padi. Vendimi i KQZ është marrë për efekt të ligjit të dekriminalizimit dhe i takon Gjykatës Administrative ta gjykojë. Edhe më parë gjykata administrative ka shqyrtuar kauza të tilla
Avokatët e Belerit: Ligji thotë se i ndalohet të kandidojë atij që është dënuar me burg. Beleri nuk ka bërë asnjë ditë burg. KQZ ka keqinterpretuar datat dhe faktet. Të shpallet i pavlefshëm vendimi i KQZ dhe të regjistrohet Beleri si kandidat për Bashkinë Himarë.
KQZ: Beleri s’bëri asnjë ditë burg dhe iu shmang drejtësisë. Të rrëzohet kërkesa dhe të mbetet në fuqi vendimi që e pengon të kandidojë.
Pak para nisjes së seancës në Kolegjin Zgjedhor, Belerika qenë për rreth 3 orë në prokurorinë e Krimeve të Rënda për t’u pyetur sërish për masakrën e Peshkëpisë, ku u ballafaqua me deklarimet e të tjerëve, që kanë lidhje më këtë ngjarje.
