Mediat italiane kane zbardhur te tjera detaje, e bashke me to edhe emrat e familjes shqiptare qe ishte ne krye te nje organizate famekeqe e cila importonte kokaine nga Holanda per ne Itali dhe me te fitonin qindra e mijera euro ne muaj.
Hetimet që kanë nisur që në vitin 2014, lejuan identifikimin e dy vëllezërve shqiptarë, të cilët vepronin në provincën e Firences. Ata janë Ervis Lulashi (29 vjeç) e Fabjo Lulashi (31 vjeç), të dy me banim në Sesto Fiorentino te Firences.
Ervisi dhe Fabjo furnizoheshin me kokainë nga vëllai i tyre Eljon Lulashi (34 vjeç), me banim në St. Gallen (Zvicër), te cilit i vinte ne ndihme ne kete aktivitet te jashteligjshem edhe bashkëjetuesja e tij. Droga dërgohej me korrierë nga Holanda në Zvicër, ku pjesërisht shitej atje dhe pastaj transportohej në Itali nga dy vëllezërit Lulashi.
Gjatë hetimeve është dokumentuar trafikimi i rreth 12 kg heroinë nga Holanda në Zvicër nga marsi 2015 deri te maji i të njëjtit vit. Aktiviteti i vëllezërve Lulashi ka çuar në identifikimin e një tjetër shqiptari, Kolë Blinishta (29 vjeç). Në tetor 2015 ai furnizoi me 1 kg kokainë dy vëllezërit.
Në grupin kriminal bënte pjesë edhe shqiptari tjetër Nikoll Lleshi, 36 vjeç, italiani 30-vjeçar Claudio D’Elia, marokeni 24-vjeçar Said Ez Zitouni, si dhe Agim Koçeçu, 40 vjeç. Ky i fundit ishte punëtor i një kompanie transporti në Sesto Fiorentino (Firenze). Në magazinat e kësaj kompanie, Agimi mbante kokainën, në pritje për t’u dërguar te blerësit.
c.a
