Një organizata që merrej me trafikun e drogës në disa zona të Ekuadorit është shkatërruar nga policia vendase, ndërsa në pranga ka përfunduar edhe një grua shqiptare.
Grupi ishte i përbërë nga shtetasve vendas, kolumbianë dhe italianë, ndërsa ngarkesat e kokainës transportoheshin me banane.
Operacioni është kryer të hënë duke goditur rrjetin kriminal që dërgonte sasi të mëdha të drogës nga deti për në tregjet e konsumit në Evropë. Policia ka arritur të sekuestrojë më shumë se gjysmë kg kokainë të fshehur në ngarkesën e banave. Hetimet kanë provuar se grupi ka vepruar që nga 26 nëntorit i vitit 2016 sidomos në qytetin Guayaquil.
Gjashtë persona janë arrestuar gjatë bastisjeve. Sipas agjentëve të drogës, çdo anëtar në organizatë kishte rolin dhe funksionet e veçanta, duke përfshirë edhe financuesit për blerjen e drogës, që sipas gazetës ekuadoriane “Eltelegrafo”, e kishte shqiptarja Alina A.
Rrjeti ndërkombëtar kishte koordinatorët dhe njerëzit e sigurisë brenda portit nga ku kryheshin dërgesat.
Struktura kriminale dërgonte Alkaloid dhe brenda tyre transportonte edhe kokainë, përveç ngarkesave me banane.
Policia kolumbiane ka arritur të pengojë më shumë se gjysmë ton kokainë për në tregjet e Evropës.
Gjatë aksionit, janë sekuestruar edhe automjete të shumta luksoze, dhe përveç drogës u kapën edhe 173,000 dollarë si dhe 22,500 euro. /b.d
