Tre shqiptarë kanë përfunduar në prangat e policisë italiane, pasi akuzohen për trafik droge. Mediat italiane raportojnë se në këtë operacion u sekuestruan 2 kilogramë kokainë dhe 68 mijë euro.
Mes të arrestuarve është dhe një djalë 24-vjeç, dhe nëna e tij, të cilët banonin në Gualdo Tadino, si dhe një 31-vjeçar shqiptar. Ndonëse personat e arrestuar tentuan që t’i shpëtonin policisë, u kapën.
Hetimi nisi pas arrestimit të një 21-vjeçari, i cili ishte prangosur disa ditë më parë në shoqërinë e një bashkatdhetari tjetër. 24-vjeçari u ndalua, pas vëzhgimit për rreth dy ditë dhe u vu re se ai komunikoi me një tjetër person.
Të dy personat e dyshimtë u ndoqën derisa arritën para një shtëpie në qendër të Gualdo Tadino, ku një djalë u afrua me një zarf në dorë. Ata u futën në banesë dhe në këtë moment policia ndërhyri. Ata tentuan arratisjen, por u neutralizuan menjëherë.
Gjatë kontrollit të ushtruar në banesë policia gjeti dhe sekuestroi sasine e kokainës dhe shumën e madhe të eurove në dhomën e nënës.
/e.rr
