Shumica dhe opozita janë përfshirë në një debat të fortë pas kapjes së 180 milionë euro kokainë në Durrës.
Prej disa ditësh i gjithë debati është zhvendosur nëse aksioni ishte meritë ekskluzive e policisë shqiptare, siç thekson maxhoranca, apo aksioni u ndërmor pas sinjalizimit të vendeve partnere, siç pretendon opozita.
Këtij debati nuk i shpëtoi as seanca e sotme parlamentare.
Ministri i Brendshëm Fatmir Xhafaj ka paralajmëruar në Kuvend se shumë shpejt do të bëhen publike rezultate të operacioneve të tjera të rëndësishme antikriminale.
Ai këmbënguli se operacioni për kapjen e 613 kg kokaine është meritë e policisë shqiptare.
“Operacioni, meritë e policisë shqiptare. Në operacion u përfshi dhe prokuroria. Po vazhdon për identifikimin e autorëve të kësaj ngjarje të rëndë kriminale”, deklaroi Xhafaj
Ministri paralajmëroi edhe disa operacione të tjera që po kryhen bashkë me FBI, DEA-n dhe EUROPOL
Policia ka rigjetur besimin te partnerët, si rezultat i tij aktualisht policia është e përfshirë në disa operacione të rëndësishme antikriminale, me partnerë të rëndësishëm si FBI dhe DEA, GdF, Europol dhe agjenci homologe të vendeve anëetare të BE rezultatet e të cilave shumë shpejt do të jenë publike”, tha Xhafaj.
Ai tha se procesi i vetingut do të sjellë standard profesionalizmi në radhët e policisë.
“Procesi i vetingut shpresoj se do të sjellë standard profesionalizmi dhe standarde të figurës në policinë e shtetit. Policia jo vetëm po arrin rezultate të rëdësishme në luftën e saj kundër krimit, po nga njëra anë ka rritur besimin te qytetarët, dhe nga ana tjetër po dekurajon vepritmarinë kriminale të elementëve të krimit të organizuar”, vijoim ministri.
a.ç
