Për sasinë e kapur prej 1.2 kg kokainë sot në Lezhë, policia kishte informacione se servisi në pronësi të Dodë Markvukajt përdorej për tregtim narkotikësh, ndaj dhe u ushtrua kontroll.
Në momentin e kontrollit brenda ndodhej vetëm Vera Preka, ish-bashkëshortja e tij, e cila e kishte të përshtatur një dhomë si banesë, pasi figuronte e ndarë nga shtetasi Dodë Markvukaj.
Në fakt, sasia e lëndës narkotike është gjetur në lavatriçe, e cila ishte vënë në përdorim në ato momente për të fshehur gjurmët.
Policia dyshon se kjo është realizuar nga e ndaluara Vera Preka, e cila mendohet se kishte marrë sinjalizime për kontrollin e policisë dhe kishte futur drogën në lavatriçe.
Policia nuk e ka gjetur në banesë të dyshuarin Dodë Markvukaj, edhe pse ai ishte në “arrest shtëpie” për të njëjtën vepër penale të kryer me herët.
Dyshimet e para janë se ish-bashkëshortët e përdornin servisin për shpërndarje narkotikësh në sasi të vogla, ndaj dhe vijojnë hetimet.
Gruaja 50-vjeçarja, e cila është prangosur nga policia do të merret në pyetje dhe po punohet për kapjen e ish-burrit të saj, i cili dyshohet se ka rol kryesor, pasi servisi rezulton në pronësi të tij.
/a.r
