Pas Armatës Kombëtare kolumbiane, ka reaguar edhe Ministri i Mbrojtjes i këtij vendi lidhur me aksionin e sekuestrimit të 613 kg kokainë në Durrës.
Luis Carlos Villegas deklaroi se bllokimi i sasisë rekord të drogës ishte rezultat i bashkëpunimit mes agjencive..
Këtë të diel teksa ka qenë në bazën e Forcave Speciale të Policisë, ai deklaroi se policia kolumbiane po përballet me vendosmëri me krimin dhe grupet e organizuara kolumbiane.
“Ushtria e Kolumbisë raportoi për një operacion të përbashkët me agjencitë ndërkombëtare për kapjen e 613 kilogramë kokainë nga bandës kriminale “Clan del Golfo”, të sekuestruar në portin e Durrësit, në Shqipëri, më 2 mars. Droga e sekuestruar ishte fshehur në dyshemenë e një kamioni që doli nga Kolumbia në mes të janarit, i ngarkuar me banane, me një anije që do të ndalonte ne disa porte në Europë para se të arrinte në portin e Durrësit, ku edhe u shkarkua”, u shpreh Villegas.
Ai shtoi se kokaina u kap në sajë të informacionit në kohë të dhënë nga agjencitë pjesëmarrëse, e cila mundësoi planin e policisë shqiptare një operacion për të kontrolluar rrugën e kontenierit, në pronësi të një kompanie shqiptare që nga koha e ardhjes së saj në portin e Durrësit, vendi ku policia ndërhyri dhe gjeti drogën./a.m.
