Presidenti i Shqipërisë, Ilir Meta ka komentuar kapjen e 613 kilogramëve kokainë në Maminas të Durrësit.
I pyetur lidhur me lëndën narkotike të ardhur nga Kolumbia, Meta thotë se është mjaft i shqetësuar për grupet kriminale.
Kreu i shtetit përgëzon Policinë për aksionin ku shton se lufta ndaj krimit duhet rritur.
‘Aksioni i policisë është pozitiv, por edhe guximi për të nisur një ngarkesë të tillë është shqetësues. Lufta kundër këtij fenomeni dhe këtyre grupeve kriminale që janë forcuar ndjeshëm është një shqetësim.
Është një shqetësim edhe për çështje të sigurisë kombëtare. Kur grupet kriminale janë bërë një shqetësim për Italinë, që është një vend ku e ku më i madh se ne, atëherë ky është vërtetë një problem’, u shpreh Meta
a.ç
