Lajmi për sekuestrimin e 613 kilogramëve kokainë në Shqipëri ka bërë jehonë edhe në mediat kolumbiane, vend nga i cili mbërriti ngarkesa.
Media meskikane “Sipse”, duke cituar Armatën Kombëtare kolumbiane, shkruan se droga u sekuestrua pas një operacioni të koordinuar mes forcave kolumbiane dhe atyre shqiptare.
“Rreh 613 kg kokainë të kamufluar në një kontejner me banane u zbuluan në portin shqiptar të Durrësit në një operacion të koordinuar nga marina kombëtare kolumbiane, agjencitë ndërkombëtare dhe policia shqiptare,” thuhet në artikullin e medias meksikane.
Kjo media citon faqen zyrtare të Armatës Kolumbiane, ku thuhet mes të tjerash se droga ishte nisur në mes të Janarit dhe kishte kaluar disa porte evropiane. Po ashtu, aty theksohet edhe emri i grupit që kishte nisur drogën.
“Droga ishte nisur në mesin e janarit nga Kolumbia dhe i përkiste një grupi të trafikut të drogës ‘Clan del Golfo’. Clan del Golfo’ ka kontakte me disa porte në Evropë. Vlera e drogës së kapur shkon në 37 milionë dollarë. Do vijojmë operacionet e përbashkëta”, thuhet në njoftimin e Armatës./a.m.
