Shqiptarët e identifikuar si Dritan Gradica dhe Julian Deblini, u vunë në pranga tri ditë më parë në Madrid, në hollin e një hoteli, vetëm pak pasi autoritetet e policisë sekuestruan një sasi rekord prej 1 ton kokainë dhe një valixhe me 1.55 milionë euro.
Droga, e cila, mendohet të jetë blerë tek “Klan Del Golfo” në Kolumbi, ishte transportuar drejt Madridit me Charter dhe në secilën prej pakove kishte të vulosur siglën CR7, me të cilën identifikohet ylli i futbollit, Cristiano Ronaldo.
Njëri nga të arrestuarit, shtetasi Dritan Gradica, ishte djali i ish-gjykatësit të Apelit Ushtarak, Shaqir Gradica.
I kontaktuar nga News 24 Shaqir Gradica është shprehur se djali i tij nuk ka asnjë lidhje me drogën, dhe se jeton në Angli.
Ndërsa sa i takon të dhënave të gjeneralitetit, ai është shprehur se ato vërtetë përkojnë me atë të të birit, duke shtuar se në vitin 2000 atij i ka humbur pasaporta, duke pohuar se mund t’i kenë vjehdhur identitetin.
Informacioni që ka dhënë ish-gjykatësi, se të birit i është vjedhur identiteti, është i vërtetë, ndërkohë që policia do ta marrë në pyetje lidhur me humbjen e pasaportës./a.m.
