sh-ministri dhe deputeti i LSI-së, Lefter Koka ka reaguar me akuza të forta ndaj kryetares së partisë, Monika Kryemadhi pas konferencës së saj për shtyp ku publikoi dokumentet e miratimit të koncensionit për Landfillin e Tiranës.
Përmes një reagimi në Facebook, Koka e quan Kryemadhin një llogaritare të thjeshtë, e cila sipas tij konfirmoi se qeveria shqiptare e kohës kishte “kapacitete dhe aftësi të ndjekë e zbatojë me rigorozitet proçedura sipas manualeve dhe standardeve ndërkombëtare”.
Koka e paralajmëron Kryemadhin edhe duke theksuar se 25 Prilli do të vinte furishëm për LSI-në.
Kryemadhi e akuzoi Kokën se ishte treguar mjaft i zellshëm në miratimin në kohë rekord të procedurave për koncensionin e Landfillit të Tiranës, gjë që shkaktoi edhe reagimin e këtij të fundit.
Postimi i Kokës:
Falenderoj thellësisht llogaritare Monën (e cila në fakt nuk kupton se çfarë foli) që me letra dhe fakte i tregoi publikut dhe çdo shqiptari, se qeveria shqiptare ka çdo kapacitet dhe aftësi të ndjekë e zbatojë me rigorozitet proçedura sipas manualeve dhe standardeve ndërkombëtare!
E dashur llogaritare Mona! Mos u bezdis! 25 Prilli do të vijë më shpejt dhe më furishëm nga sa ju pandehni!
/a.r
