Ambasadori i SHBA, Donald Lu, vlerësoi Kodin e Etikës së Policisë, duke thënë se ai do të ndihmojë policinë shqiptare në sfidat e shumta që ka pasur. Sipas ambasadorit, ky kod i detyron policët të jenë më të përgjegjshëm, të mos konsumojnë duhan e alkool në krye të detyrës dhe të mos ndikohen politikisht.
“Policia duhet të jetë në shërbim të qytetarëve, por shpesh imazhi i policisë nuk është i duhuri. Policia ka sfidat e saj në luftën kundër narkotikëve, vrasjeve dhe krimeve të rënda, por hartimi përfundimtar i këtij kodi do rregullojë punën e saj. Më pëlqen shumë që ky kod, mban zotimin se policët nuk do pinë duhan, alkool dhe nuk do luajnë kumar kur janë në detyrë. Ky është një model për të gjithë. Ju refuzoni korrupsionin, dhuratat e të gjitha llojeve, diskriminimin dhe ndikimin politik”.
BalkanWeb