Ka nisur në shqyrtimi i procesit gjyqësor mes minsitres së Mbrojtjes Mimi Kodheli dhe anëtares së Këshillit Kombëtare të Partisë Demokratike Reila Bozdo.
Bozdo u padit nga Kodheli pas një deklarate të kësaj të fundit nga selia e partisë Demokratike ku akuzonte Kodhelin për shkelje në procedurat e një tenderi të dikasterit që drejton.
Kodheli ka kërkuar në padinë e depozituar në dëmshpërblim prej 50 mijë eurosh. Padia u regjistrua në Gjykatën e Shkallës së Parë më 1 dhjetor për “shkaktim dëmi”.
Por çfarë thuhej në deklaratën objekt padie të Reila Bozdos. Ajo akuyzonte Kodhelin se i kishte dhënë tenderin për radarët një kompanie celularësh.
“Kontrolli ka zbuluar se tenderin për blerje, furnizim, instalim dhe vënie në punë të Sistemit të Integruar të Vëzhgimit të Hapësirës Detare, Kodheli ia ka dhënë një dyqani celularësh në rrugën e Durrësit. Pra dyqani i përzgjedhur i Kodhelit në rrugën e Durrësit do të monitorojë hapësirën detare, dhe po flasim pikërisht për rrugët nga ku kalon trafiku i drogës.
Me një rrugë, dy punë bën Mimi. E para ndan 850 milionë lekë me dyqanin e celularëve në rrugën e Durrësit, e dyta garanton rrugët detare të trafikut të drogës. Dëmet ekonomike janë në qindra milionë lekë, dhe procedura është nëpërkëmbur sipas nevojave të Mimit. Kush kishte menduar se të paktën në fushën e mbrojtjes dhe sigurisë kombëtare këta nuk do ta kalonin vijën e kuqe, e ka gabim”-deklaronte nga selia e PD Reila Bozdo.
