Kodheli: FA-të, në të njëtin nivel me të gjithë forcat e NATO-s
Forcat e Armatosura të Republikës së Shqipërisë kanë nisur prej disa ditësh stërvitjen “Biza-15”. Kjo stërvitje zhvillohet me situata në fushën e luftimit me pjesëmarrje të Forcës Tokësore, Forcës Ajrore e elementë të KM.
Qëllimi kryesor i kësaj stërvitje është aftësimi dhe testimi i strukturave të komandim-kontrollit, harmonizimi i veprimeve luftarake ndërmjet trupave të luftimit (Combat), trupave të mbështetjes me luftim (Combat Support) dhe trupave të mbështetjes me shërbime të luftimit (Combat Service Support), në përputhje me procedurat standarde, gjatë procesit të planëzimit, ekzekutimit, vlerësimit e analizës së stërvitjes.
Ministria e Mbrojtjes, Mimi Kodheli, ishte sot në Bizë për të parë nga afër zhvillimin e kësaj stërvitje. Znj.Kodheli ndoqi disa aspekte, si qitje me murtajë, operacionin në mësymje, çlirim pengu në një banesë dhe shpëtim të jetës njerëzore në kuadër të emergjencave civile.
Duke iu drejtuar trupave, ministria e Mbrojtjes shprehu kënaqësinë e saj që ndodhej mes 800 trupave, të cilët, sot vinë në këtë operacion stërvitor më të modernizuar, të paisur me pushkën automatik M4, me set personal të standarteve të NATO, si dhe me eksperiencën e dikushme dhe me planet e së ardhmes për të qenë të denjë, ashtu sic jemi të denjë të mbrojmë atdheun tonë të dashur, të jemi pjesë e mbrojtjes kolektive NATO.
“Ju sot demostruat se jeni në të njëtin nivel me çdo forcë të armatosur të gjithë forcave të Armatosura të Aleancës, e krahasuar me këdo ushtar dhe ushtarak që aderon në këtë aleancë të madhe politiko-ushtarake”, nënvizoi Ministrja.
Kjo stërvitje, u shpreh znj.Kodheli, tregon se rritja e kapaciteteve operacionale, bashkërëndimi apo përgatitja qoftë kjo teorike apo në terren nuk mjaftojnë.
Sipas saj, FA-të kanë akoma nevojë të modernizohen, kanë nevojë për një trajnim më të mirë për të mbërritur atje ku kemi vënë pikësynimin tone, të qartë dhe të drejtë, për të siguruar qytetarët tanë dhe territorin e atdheut tonë, të aleatëve, të rajonit dhe për sigurinë mbarëbotërore.
Duke iu referuar problematikave për të cilat FA-të duhet të vijojë të jetë vigjilentë, kreu i mbrojtjes solli në vëmendje kërcënimet që vinë nga jug-lindja e Europës apo edhe problematikën që po përballet Europa kur flitet për qytetarë që largohen nga vendi i tyre duke lënë pas tmerret e luftës.
Rritja e nivelit Operacional të njësive të FARSH, pjesëmarrëse në stërvitje, në kryerjen procesit të planëzimit sipas standardeve të NATO-s, testimi i komandim-kontrollit në Shtabin e Forcës Tokësore, strukturave të saj të varësisë dhe n/reparteve në përforcim, testimi i procedurave të vendim-marrjes ushtarake, procedurat e drejtimit të trupave, kryerja e planëzimit operacional dhe testimi i kapaciteteve në kryerjen e operacioneve mësymëse (k1b2k, “Trident Juncture 15”), kompaktësimi kolektiv dhe familjarizimi i plotë të b2k me armatimin e ri të lehtë të këmbësorisë, si dhe qitjet luftarake, identifikimi në mënyrë sistematike i mësimeve të nxjerra, përmirësimi dhe aplikimi i tyre për stërvitje e ardhshme, janë disa prej objektivave të kësaj stërvitje e cila përfundon në 17 shtator
