Kreu i Partisë Demokratike, Lulzim Basha, sonte, është shprehur se nuk ekziston një marrëveshje mes PD-së dhe PS-së për të qeverisur së bashku pas zgjedhjeve të 25 qershorit.
Basha, këtë deklaratë, e bëri sonte në emisionin “Opinion”. Kreu i PD-së, tha se mundësia për shqiptarët është arritja në fitoren vendimtare të Republikës së Re dhe kjo mundësi ka numrin 6-të.
Pavarësisht se Basha nuk e ndau prerazi çështjen e koalicionit me PS-në, ai la të nënkuptojë se PD është e vendosur për të çuar drejt fitores një kauzë që është më e madhja sot dhe jo vetëm e PD-së.
Basha komentoi edhe takimin vetëm për vetëm me kryeministrin pasi ai e ka kërkuar takimin të tillë. Basha tha se takimi vetëm për vetëm me Ramën zgjati 4 orë sepse ishte i rëndësishëm dhe në të do të vendosej marrëveshja.
Basha: Ta them haptas fare nuk mendova që do të shkonim drejtë një marrëveshje. Unë kisha konsumuar dy raunde me të,ai nuk lëvizte nga qëllimet e tij ne po ashtu ndërkohë erdhi në atë takim ku të gjithë partitë i bën thirrje për pranimin e paketës, ky ndërkohë nuk e kishte pranuar.
Fevziu: Përse qëndruat aq gjatë me Ramën, rreth 4 orë?
Basha: Jo për muhabete koti të siguroj. Ishte një negociatë e vështirë.
