Këshilli i Ministrave ka miratuar sot memorandumin e mirëkuptimit ndërmjet Shqipërisë dhe SHBA-ve për sigurinë 4G dhe 5G.
Ky vendim vjen vetëm pak ditë më parë pasi Shqipëria ka nënshkruar një marrëveshje koordinimi për teknologjinë 5G me Shtetet e Bashkuara të Amerikës.
Gjatë konferencës së përbashkët me kryeministrin Edi Rama, sekretari amerikan i shtetit Antony Blinken tha se shpreson që Shqipëria të bëhet shembull që marrëveshjet për rrjetin 5G të përhapen edhe në vendet e tjera të Ballkanit.
VENDIMI
Në mbështetje të nenit 100 të Kushtetutës dhe të nenit 19, të ligjit nr.43/2016, “Për marrëveshjet ndërkombëtare në Republikën e Shqipërisë”, me propozimin e ministrit të Infrastrukturës dhe Energjisë, Këshilli i Ministrave
V E N D O S I:
Miratimin e memorandumit të mirëkuptimit, ndërmjet Këshillit të Ministrave të Republikës së Shqipërisë dhe qeverisë së Shteteve të Bashkuara të Amerikës, për sigurinë 4G dhe 5G, sipas tekstit që i bashkëlidhet këtij vendimi.
Ky vendim hyn në fuqi pas botimit në “Fletoren zyrtare”.
Kryeministri Edi Rama
Në mungesë dhe me porosi
Zëvendëskryeministri
Erion Braçe
/b.h
