Agjenti i Elseid Hysajt, Mario Giufreddi, ka bërë të ditur se për mbrojtësin e kombëtares shqiptare ka oferta nga La Liga dhe Bundesliga.
Paraqitjet e shkëlqyera të 22-vjecarit nga Shkodra me fanellën e Napolit në këtë sezon, nuk kanë mbetur pa rënë në sy, ku Atletico Madridi e Bayer Leverkusen, po luftojnë kokë më kokë për t’i siguruar shërbimet e Hysajt raporton Express.
Megjithatë, drejtuesit e Napolit dhe trajneri Sarri besojnë shumë te aftësitë e talentit shqiptar dhe vështirë se do të largohet nga ‘San Paolo’.
Në një intervistë për “Radio Crc”, agjenti i lojtari Mario Giuffredi, theksoi se është e vërtetë që ai ka marrë dy oferta nga dy klube jashtë Italisë për Hysajn, por nga ana tjetër shtoi se është gjithashtu në kontakte me Napolin për rinovimin e kontratës së futbollistit.
Hysaj u transferua nga Empoli te klubi jugor në verën e vitit të kaluar për shumën e 5 milionë eurove, ndërkohë që tashmë kartoni i tij vlen rreth 20 milionë Euro, shifër të cilën drejtuesit e Atletico Madridit janë të gatshëm të paguajnë për ta transferuar në ‘Vicente Calderon’ 22-vjecarin nga Shkodra.
