PSV Eindhoven nuk do të mbajë më mbi fanellë reklamën e kompanisë elektronike Philips, për herë të parë pas 34 vjetësh. Klubi dhe kompania e kanë bërë të ditur ndarjen zyrtare, në fund të këtij sezoni. Për ndeshjet e fundit të këtij sezoni, skuadra do të veshë një fanbellë të ngjashme me atë të vitit 1982, kur nisi sponsorizimi nga Philips. Lidhje midis tyre do të ruhen, pasi klubi është themeluar pikërisht si degë e kompanisë së produkteve elektronike dhe mban emrin e saj, Philips Sport Vereniging (Shoqëria Sportive Philips). Por PSV nuk është klubi i vetëm i lidhur për një kohë të gjatë me të njëjtin sponsor.
Ja dhjetë rastet e bashkëpunimeve më jetëgjata midis klubeve e sponsorëve të tyre.
INTER & PIRELLI Kompania e gomave u lidh me Interin në sezonin 1995-96, në kohën e presidentit Massimo Moratti. Gjërat nuk kanë ndryshuar as tani që sponsor është Erick Thohir. Dy muaj më parë u njoftua rinovimi i kompanisë së drejtuar nga Tronchetti Provera, duke e çuar të paktën në 25 vjet qëndrimin e logos mbi bluzat e Interit. Gjatë këtij sezoni, mbi fanellat e dyta ka qenë e shkruara “Driver”, por nuk bëhet fjalë të ndërprerjes së sponsorizimit 20-vjeçar. “Driver” është një zinxhir komerciale në partneritet me Pirellin.
BAYERN & DEUTSCHE TELEKOM — Për momentin janë 14 vjet bashkëjetesë, por të dy palët kanë premtuar ta çojnë në 20. Historia e bashkëpunimit ka nisur në sezonin 2002-03 dhe do të vazhdojë edhe në gjashtë vjetët e ardhshëm, deri më 2023, me Deutsche Telekom gati të rritë kontributin financiar në 35040 milionë euro në vit ndërsa Bayern është gatë të servirë kompetencën e kompanisë në sektorin e telekomunikacioneve për të përmirësuar eksperiencën e spektatorëve në Allianz Arean, duke zhvilluar projektin “Stadium Vision”.
AJAX & ABN AMRO — Zgjati 17 vjet historia midis Ajax e ABN Amro. Grupi bankar holandez u shfaq mbi fanella nga 1991 deri më 2008. Bashkëpunimi i sponsorit me klubin vazhdon ende, pasi është firmosur marrëveshja, nga 1 janari 2015 deri më 30 qershor 2018, për të vendosur lohën mbi fanellat e skuadrës të të rinjve, të femrave dhe të amatorëve, për 2.55 milionë euro në vit.
LIVERPOOL & CARLSBERG Logoja e birrës daneze u shfaq mbi bluzat e kuqe për 17 vjet, nga 1993 deri më 2010. Pak ditë më parë u nënshkrua marrëveshja e re, për tre vjet të tjerë, duke nisur nga sezoni i ardhshëm.
CHELSEA & SAMSUNG Dhjetë vjet intensivë, me fitore në fushën kombëtare e ndërkombëtare. Samsung e Chelsea janë rritur së bashku, një solidaritet i nisur më 2005 dhe i mbyllur në fillim të këtij sezoni. “Vetëm” 18 milionë euro që paguante kompania eletronike koreane nuk ishin më të mjaftueshëm për klubin e Roman Abramoviç. Logoja e Samsungut u zëvendësua nga Yokohama, kompani japoneze lider në sektorin e gomave dhe të ndërtimeve aeronautike. Marrëveshja është me vlerë 55 milionë euro në vit.
NAPOLI & LETE Bashkëpunimi zgjat prej dhjetë vjetësh, kur Napoli ishte në Serinë C dhe dhe Lete ishte kompania e parë e madhe në rang kombëtar që besoi në rilindjen e klubit. Dhjetë vjet janë rekord për Napolin dhe ndërkohë janë të gjitha gjasat që të vazhdojë edhe më pas.
SCHALKE 04 & GAZPROM Emri i kompanisë ruse është prej dhjetë vjetësh mbi fanellat e klubit gjerman, i cili merr 16 milionë euro në vit. Tifozët nuk kanë qenë dakord me këtë partneritet dhe e kanë kundërshtuar shpeshherë lidhjen me kompaninë ruse.
REAL MADRID & TEKA Në 114 vjet histori, Real Madrid ka pasur vetëm një dashuri të madhe, Teka. Është kompania shumëkombëshe gjermane marka më jetëgjatë në bluzat e bardha, sponsor zyrtar nga 1992 më 2001. Bashkëpunimi me klubin vazhdon, por me skuadrën e basketbollit, për tre vjetët e ardhshëm.
SHAKHTAR & SYSTEM CAPITAL MANAGEMENT — Nga 18 korriku 2006 System Capital Management, kompani ukrainase aktive në shumë sektorë, nga hoteleria te nafta e gazi, sponsorizon skuadrën e Donjeckut. Falë sponsorizimeve janë arritur shumë suksese, por vitet e fundit problemet poltike kanë sjellë reduktime dhe klubi është detyruar të shesë disa nga më të mirët, nga nga Texeira te Douglas Costa.
ROMA & BARILLA Marrëveshja më jetëgjatë e Romës ka qenë me kompaninë Barilla. Firma e famshme e makaronave i shfaq për 12 vjet mbi bluza, në sezoni 1982-83 deri më 1994.
Raste të veçantë – Në marrëdhëniet sponsor-klub ka edhe raste të veçantp, si për shembull midis Volkswagen e Wolfsburg në Gjermani dhe Gazprom e Zenit në Rusi. Grupi automobilistik është pronar i klubit gjerman, ndërsa kompania ruse bleu më 2005 shumicën e aksioneve të klubit të Shën Pjetërburgut. Dy kompanitë u kanë dhënë emrat edhe stadiumeve, (Volkswagen Arena e Gazprom Arena), por në këtë rast nuk flitet për sponsorizim të vërtetë, sepse nuk bëhet fjalë për një raport kohor të përcaktuar mbi shifra të vendosura më parë. Çdo vit vendosin mbi shumën që do të investojnë jo si sponsor, por si ortakë të mazhorancës.
