Në mbledhjen e fundit të Këshillit të Lartë të Prokurorisë për këtë vit janë shqyrtuar propozimet për drejtues të përkohshëm të Prokurorive në rrethe.
Në krye të Prokurorisë së Elbasanit është caktuar me një mandat të përkohshëm Kreshnik Ajazi, ndërsa me 4 vota pro Rita Gjati është caktuar me një mandat 3-mujor në krye të Prokurorisë së Kukësit.
Violeta Shkurta është caktuar në kryer të Prokurorisë së Fierit, Arben Dyla do të marrë drejtimin e organit të akuzës në Lushnje, ndërsa prokuror në Prokurorinë Pukës është caktuar Françesk Ganaj.
Ndërkohë është propozuar Alma Bramo në Prokurorinë e Durrësit.
Para nisjes së seancës me dyer të mbyllura anëtarja e KLP Nurihan Seiti kërkoi që komisioni i karrierës të japë të dhëna shtesë për magjistratët që propozohen për të marrë një post drejtues.
g.kosovari
