Këshilli i Lartë i Prokurorisë ka miratuar me shumicë votash Doloreza Musabelliun si anëtare të Prokurorisë së Posaçme kundër Korrupsionit dhe Krimit të Organizuar për një mandat 9-vjeçar pa të drejtë riemërimi.
Mësohet se vendimi është nisur direkt në Presidencë ku prokurorja Musabelliu do të bëjë betimin sot në mesditë.
“Me propozim të Kryetarit, rendit të ditës i shtihen 2 pika: kërkesa e drejtuesit të ILD, Artur Metani ndaj Këshillit për të komandur një prokuror për një afat kohor 5 vjeçar pranë ILD dhe pranimin e kërkesës së prokurorit Agim Dilka, prokuror në Prokurorinë pranë Gjykatës së Shkallës së Parë Elbasan, për heqje dorë nga funksioni. Zonja Esmeralda Keshi i bashkohet Këshillit.”, thuhet në njoftimin e KLP-së.
/a.r
