Në ditën e gruas, 8 Mars, ministri i Mirëqënies Sociale dhe Rinisë, Blendi Klosi ishte në një nga fabrikat e reja të prodhimit, ku janë punësuar rreth 200 gra, një pjesë e të cilave ish-gra të dhunuara.
Bashkë me anëtaret e këshillit kombëtar të barazisë gjinore, që zhvilloi mbledhjen në këtë ambient, ministri Klosi u shpërndau lule në vendin e punës, të gjitha grave, me mesazhin bashkëngjitur të fushatës kundër dhunës këtë vit, “ Unë zgjedh të jetoj pa dhunë” .
Në bashkëbisedim me të punësuarat në këtë fabrikë, ministri Klosi deklaroi se fuqizimi ekonomik i gruas është prioriteti i këtij viti, ku një nga programet e nxitjes së punësimit shkon për kategoritë e grave që përballen me vështirësi për hyrjen në tregun e punës.
Ministri Klosi, falenderoi sipërmarrësen e këtij biznesi që ka punësuar gra nga kategoritë vunerabël, duke vënë theksin tek vendimi që pritet të merret për rritjen e pagës minimale, përpjekje për rritjen e pagesës për to.
Klosi preku edhe çështjen e sistemit të drejtësisë, ku nënvizoi votimin e vettingut si një mjet për të frenuar dhunën në familje.
“Duhet të jemi të gjithë bashkë, për të mundësuar refomimin e gjyqësorit, votimin e Vettingut, ecjen përpara me reformën edhe në të mirë të një familje më të shëndoshë, në të mirë të frenimit të dhunës”, tha ministri.
Nga ana e tij, Ambasadori i Agjencisë së Kombeve të Bashkuara në Shqipëri, Brian Williams deklaroi se fuqizimi ekonomik i gruas në Shqipëri është garancia për zhvillimin e vendit tonë.
Drejtuesja e këtij biznesi, Iva Laro deklaroi se përveç kësaj sipërmarrje, një tjetër nismë do të vihet në zbatim së shpejti, ajo për punësimin e grave të dënuara. /a.m.
