Aplikimi online për lejet mjedisore do të fillojë të testohet në portalin e-Albania prej datës 1 dhjetor 2019. Deri në datën 28 shkurt 2020 do të jenë të dyja format e aplikimit, online dhe në formë shkresore pranë institucioneve përgjegjëse. Kjo do të jetë një periudhe tranzitore, dhe që prej 1 marsit të 2020 aplikimi do të bëhet vetëm online.
Ministri i Mjedisit, Blendi Klosi u shpreh se se me kalimin online të lejeve mjedisore ngrihet një sistem kombëtar elektronik, transparent, i monitoruar dhe i shpejtë në funksion të mbrojtjes së mjedisit.
“Ajo që po synojmë të fillojmë me këtë proces është që i gjithë aplikimi të jetë online, të mos ketë një raport mes biznesit, studios mjedisore dhe administratës mjedisore, të mos ketë një raport që shpesh ka qenë një raport i vështirë dhe është komentuar si raport që dhe përpiqet të gjejë një zgjidhje që në rastin më të mirë është një zgjdhje që nuk vlerësohet ashtu si duhet, në rastin më të keq është një zgjidhje e cila ka lënë vend për një raport buroktratik por ajo që është më e rëndësishme është që për mbrojtjen e mjedisit dhe për parimet që vendos legjislacioni shqiptar të mos ketë me diskutim. Ajo që ne duam të eliminojmë me këtë sistem të ri, është ky raporti me të vërtetën , pra kërkesa që vjen nga MTM dhe është përkthyer tashmë në një sistem nga Agjencia Kombëtare e Infirmacioni është që raporti të jetë gjithmonë e më shumë i bazuar në fakte, dhe në rregulla. Ajo që duam është ngritja e një sistemi elektronik kombëtar, bashkëkohor dhe të integruar për të arritur një nivel më të lartë të mbrojtjes së mjedisit përmes parandalimit , minimizimit dhe kompensimit të dëmeve në mjedis, të kemi një sistem për rritjen e bashkëpunimit ndërinstitucional qendror dhe vendor, duke garantuar përgjegjësitë në procedurë sipas funksionit dhe duke lehtësuar zbatimin e legjislacionit në kuadër të mbrojtjes së mjedisit, lehtësimin dhe rritjen e transparencës, dhe sigurisht procesin e vlerësimit të ndikimit në mjedis. Pra ne duam që të jetë një proces i kontrolluar, i monitoruar por natyrisht edhe shumë më i shpejtë sesa sistemi që kemi sot”, tha Klosi.
Ministri Klosi theksoi se rritja e transparencës së institucioneve mjedisore duhet të shoqërohet edhe me më shumë përgjegjësi nga ana e ekspertëve të mjedisorë të cilëve u bëri thirrje për krijimin e një urdhri mjedisor.
Si do të kryhet ky proces?
“Aplikimi në procesin e VNM (vlerësimi i ndikimit në mjedis) vetem nepermjet sistemit elektronik te vleresimit te ndikimit ne mjedis, pra pas njëfarë kohe nuk do të pranohen më letra të shkruara. Ky sistem do te dokumentoje dhe do te arkivoje gjithe procesin duke rritur keshtu transparencen dhe efikasitetin ne komunikim me biznesin. Aplikimi do të kryhet thjesht nga kompjuteri I cdo zyre apo studiove tuaja dhe do të jetë i hapur 24 orë për ekspertin mjedisor. Komunikimi midis instiucioneve jo vetëm mjedisore por edhe brenda isntitucioneve do të jetëi gjithi online, pra përgjigjet e cdo institucioni do të jenë transparente, të afishuara dhe të monitorueshme në cdo kohë nga gjithë të interesuarit, po ashtu do të ketë procedura më të lehtësuara që aplikimi të jetë me kushte dhe jo i gjerë, të jetë një aplikim që të orientohet shumë drejt dretj tipit të lejes mjedisore dhe kritereve kufizuese që kemi realizuar. Në këtë moment ka të bëjë shumë një raport për uljen e kostos se aplikimit dhe kyështë një raport shumë i rëndësishëm sepse shumë dokumenta që I shteti I ka të siguruara nëpërmjet sistemit e-Albania. Një nga risitë e sistemit është që informacioni mjedisor integrohet në të gjithë sistemin kombëtar dhe po ashtu do të ketë një raport shumë më të drejtë përsa i përket raportit me koordinatat, pra sistemi GIS që po ndërtohet verifikon se ku do të realizohen”, sqaroi Klosi.
Aplikimi online për lejet mjedisore do të mund të kryhet nga çdo lloj kompjuteri dhe do të jetë i hapur 24 orë për ekspertin mjedisor.
