Të gjithë ata që balsamosin dhe ekspozojnë shpendë të rralla do të ndëshkohen. Ky paralajmërim vjen nga ministri i Turizmit dhe Mjedisit Blendi Klosi, i cili gjendej në lagunën e Kunë-Vainit për të parë nga afër mbajtjen e censusit kombëtar të shpendëve dimërorë të ujit për vitin 2018.
“Kur shikojmë simbolin kombëtar të kapur në mënyrë ilegale, të balsamosur në mënyrë ilegale, dhe po ashtu të ekspozuar në disa lokale apo qendra ku zhvillohet biznes, të simbolit kombëtar dhe të shumë kafshëve të rralla, është një thirrje e brendshme për të gjithë ne që nuk jemi aty ku duhet. Prandaj ne kemi marrë një aksion të madh publik për të kontrolluar dhe vendosur ligjshmërinë e cila është e qartë shpendët e rralla, kafshët e rralla, nuk lejohet të gjuhen nuk lejohet të balsamosen, nuk lejohet të mbahen në kundravajtje penale”.
Duke inspektuar numërimin e shpendëve, Ministri Klosi vlerësoi mbajtjen e përvitshme të censusit kombëtar që gjatë këtij viti 10 fishim të numrit të specialisteve dhe shtrirje me të gjerë në territor.
a.ç
