Në emisionin “Shqip” nga Dritan Hila ishte i ftuar ish-kreu i Shërbimit Informativ Shtetëror ( SHISH) profesori Fatos Klosi për të folur lidhur me zhvilimet më të fundit në vend.
Ai foli lidhur edhe me zgjedhjen president të Ilir Metës për të cilën tha se nuk erdhi si një detyrim nga Edi Rama por ishte vetë dëshira e Ilir Metës sepse e shikonte pozicion në favorin e tij për t’u mbrojtur.
“E ka kërkuar vetë Meta të ishte president, nuk e burgosi Rama. Mendonte se do i duhej. Të qenurit në një post kaq të lartë të vendit do i shërbente të mos goditej.
Them që nuk është më problem, Meta nuk përbën më rrezik. Ata njerëz që Meta u ka bërë ndere apo u ka dhënë dekorata nuk janë elektorati, nuk nënkuptojnë mbështetje politike”, u shpreh Klosi./m.j
