Nga përurimi i Qendrës së Shërbimeve Komunitare në Durrës, ministri i Mirëqënies Sociale, Blendi Klosi bëri thirrje për më shumë ndërgjegjësim nga shoqëria për personat me aftësi të kufizuara.
Ministria e cilësoi si të pafalshme që debati për hapjen e sa më shumë qendrave për aftësinë e kufizuar nuk zë hapësirë në diskutimet publike.
“Ka ardhur koha ta kuptojë gjithsekush se vetëm pagesa për këtë kategori nuk është e mjaftueshme. Shërbimi për rehabilitimin, për riintegrimin e personave me aftësi ndryshe, është një debat që duhej të ishte i tejkaluar”, tha ministri raporton tch. Klosi u shpreh se mbajtja në izolim e këtyre personave nuk është zgjidhje dhe se shoqëria duhet të jetë gati t’i pranojë ata. Në lidhje me këtë, Ministria e Mirëqënies Sociale tha se do të ndërmarrë dy nisma mbarëkombëtare./a.m.
