Trajneri i Liverpool-it, Jurgen Klopp, thotë se ekipi i tij nuk u paraqit në mënyrën që ai ka pritur në përballje me Manchester Unitedin në xhiron e tetë të Premier Ligës.
Liverpooli dhe Unitedi barazuan 0 me 0 në derbin e kësaj jave të zhvilluar në Anfield.“Nuk luajtëm ashtu si kemi mundur.
Nisëm mirë dhe menjëherë hasëm me mbrojtjen e tyre dhe ne nuk arritëm të tregoheshim mjaft të rrezikshëm, nuk pritnim për pasimin e duhur.
Ata nuk krijuan raste, ndoshta dy në pjesën e dytë dhe David De Gea bëri dy apo tri pritje të mrekullueshme, por në fund performanca jonë nuk ishte si duhej të ishte. Është ndeshja e parë pa pësuar gol, andaj gëzuar.
Nuk ishim të qetë sa duhet. Ky është stili i tyre dhe ‘ok’ duhet të keni respekt, por të jeni të qetë. Kjo nuk është mënyra që ne duam të luajmë, por duhet të pranojmë një barazim.
Ka gjëra më të këqija në botë”, ka deklaruar gjermani pas takimit, citohet koha. (b.an)
