Klopp: Jam penduar që nuk e bleva atë lojtar...

Asnjë nuk është i përkryer. Të gjithë në jetë kanë bërë gabime dhe këtij ligji nuk i ka shpëtuar as trajneri Jurgen Klopp, që në të shkuarën ka bërë disa të tilla. Sot, trajneri gjerman shijon një sulm fantastik të përbërë nga Salah, Firmino e Mane, por Klopp mund të shijonte magjitë e senegalezit vite më parë. Por…

Si do të kishte qenë skuadra e Borussia Dortmund nëse Klopp do ta kishte blerë Mane disa vite më pare? “Kam bërë disa gabime në karrierën time si trajner dhe padyshim më i madhi është ai që nuk bleva Mane kur isha trajner te Dortmund. Një ditë, ishim të dy së bashku në zyrën time. Biseduam, por nuk isha i bindur për të. Ishte i gjithi faji im”, rrëfen Klopp.

Megjithatë, jeta të jep shpesh një mundësi të dytë dhe Klopp ka shansin që ta stërvitë sot Mane, te skuadra e Liverpool. Senegalezi është një nga sulmuesit më të mirë në Premier League, i pazëvendësueshëm te skuadra e Klopp. “Është një futbollist dhe njeri i jashtëzakonshëm. Jeta më dha një shans të dytë për të punuar me të dhe shpresoj që të dy ta shfrytëzojmë këtë mundësi për të fituar”, thotë trajneri gjerman.

/a.r